Flest skíðasvæði landsins opin

Skíðasvæði landsins verða flest öll opin í dag. Í Bláfjöllum verða allar lyftur opnar frá klukkan tíu til sex í dag. Boðið verður upp á skíðakennslu fyrir byrjendur frá klukkan 11 og skíðaleigan og veitingasalan verður opin. 18 stiga frost er á svæðinu, lygnt og færi mjög gott. Þá verður lögð gönguleið fyrir þá sem kjósa að fara á gönguskíði.

Í Hlíðarfjalli er opið frá klukkan 10 til 5 í dag sem og á skíðasvæðum Ísafjarðar.

Skíðasvæðið í Tindastól verður opnað kl 12 og verður opið til kl 17. Þar hefur snjóað mikið síðustu daga og er skíðafærði gott.