Þrír í farbann vegna rannsóknar Frakkastígsmáls

Héraðsdómur Reykjavíkur úrskurðaði í dag þrjá pólska ríkisborgara í farbann í farbann til vegna rannsóknar á láti landa þeirra sem bjó að Frakkastíg.

Eins og fram hefur komið á Vísi fyrr í dag lést þrítugur pólskur karlmaður síðastliðinn föstudag á Landspítalanum eftir að hann hafði verið fluttur þangað með höfuðáverka. Hann mun hafa fallið í götuna fyrir utan Frakkastíg 8 mánudagskvöldið 9. júní og herma heimildir Vísis að fallið hafi verið hátt, nokkrir metrar. Rannsókn lögreglu beinist að því hvernig þetta bar að en málið er rannsakað sem mögulegt manndráp.