Sundlaugum lokað vegna yfirvofandi kuldakasts

Hitaveitulögnin frá Deildartunguhver í Reykholtsdal sér Skagamönnum og Borgnesingum fyrir heitu vatni en hún annar vart veitusvæðinu lengur, enda hefur fólkið fjölgað mjög. Þegar svo dælurnar duttu út vegna rafmagnsleysis í óveðri á dögunum og heitavatnsæð sprakk gekk mjög á vatnsforðann í heitavatnsgeymum svæðisins, svo mjög að komið er í óefni, nú þegar langvarandi frostakafli er yfirvofandi. Forstjóri og nýr stjórnarformaður Orkuveitu Reykjavíkur gerðu sér ferð upp á Akranes í dag til að ræða við sveitarstjórnarmenn Skagamanna og Borgfirðinga um vandann og var niðurstaðan sú að spara heita vatnið sem mest má verða, meðal annars með því að loka sundlaugunum fram yfir helgi.