Bæjarfulltrúi segir ráðningarsamning bæjarstjóra fráleitan

Petrína Baldursdóttir, bæjarfulltrúi Framsóknarflokksins og tilvonandi formaður bæjarstjórnar Grindavíkur, segir ráðningarsamning bæjarins við Ólaf Örn Ólafsson, fráfarandi bæjarstjóra, fráleitan.

,,Þetta er fráleitur samningur. Við gerðum miklar athugasemdir og greiddum atkvæði gegn samningnum," segir Petrína um afstöðu bæjarfulltrúa Framsóknarflokksins. Petrína segir ótrúlegt að bæjarstjórn hafi ákveðið að semja við bæjarstjórann út kjörtímablið og um sex mánaða biðlaun.

Eins og Vísir hefur greint frá hefur Ólafur Örn rétt á biðlaunum fram í nóvember 2010. Heildarkostnaður Grindavíkurbæjar með launatengdum gjöldum vegna samningins verður ríflega 42 milljónir króna.

Sjálfstæðismenn hafa gagnrýnt meirihlutaslitin og bent á þann kostnað sem fellur á bæjarsjóð vegna ráðningarsamnings Ólafs Arnar ,,Þeir geta ekki skotið sér undan ábyrgð núna því þeir gerðu samninginn."

Petrína vildi ekki tjá sig um ráðningarsamning bæjarins við tilvonandi bæjarstjóra fyrir en eftir bæjarstjórnarfund sem haldinn verður á mánudaginn þegar meirihlutaskiptin eiga sér formlega stað.