Tekur skóflustungu að nýju íþróttahúsi í Fagralundi

Bæjarstjórinn í Kópavogi tekur fyrstu skóflustungu að nýju íþróttahúsi í Fagralundi í Fossvogsdal í hádeginu.

Í tilkynningu frá Kópavogsbæ segir að Íþróttahúsið muni nýtast handknattleiks- og blakfólki HK, en þar verði löglegur handboltavöllur sem einkum sé ætlaður yngri flokkum.

Auk þess verði félagsaðstaða íþróttafélagsins stækkuð verulega. Íþróttahúsið eigi einnig að nýtast Snælandsskóla til íþróttakennslu. Þá verði aðkomu að félagsaðstöðu HK við Fagralund bætt verulega og bílastæðum fjölgað.