Ólafur segist hafa talað við fyrrum miðborgarstjóra á undan Jakobi

„Kristínu Einarsdóttur, fyrrum miðborgarstjóra, var boðið að taka að sér starf framkvæmdastjóra miðborgarmála. Þá var leitað til annarra starfskrafta innan og utan borgarkerfisins áður en leitað var til Jakobs Frímanns Magnússonar. Fátt vitnar betur um að ekki var verið að búa til stöðu innan borgarkerfisins handa tilteknum einstaklingi," segir í tilkynningu frá Ólafi F. Magnússyni, borgarstjóra í Reykjavík.

Þá tekur borgarstjóri sérstaklega fram að uppreiknuð laun fyrrverandi miðborgarstjóra frá í febrúar 2005 séu hin sömu og laun nýráðins framkvæmdastjóra miðborgarmála.