Steingrímsfjarðarheiði ófær

Ófært er á Steingrímsfjarðarheiði þar sem er mikil stórhríð. Hálka og éljagangur er á Holtavörðuheiði og Snjóþekja og éljagangur á

Laxárdalsheiði. Þetta kemur fram í tilkynningu frá Vegagerðinni nú í kvöld.

Á Norðurlandi er hálkublettir á Siglufjarðarvegi, hálka og skafrenningur á

Lágheiði, hálka og éljagangur er á Öxnadalsheiði. Á Norðausturlandi er snjóþekja, hálkublettir og éljagangur á Mývatnsheiði og Mývatnsöræfum.

Á Austurlandi eru hálkublettir, krapi og éljagangur mjög víða. Snjóþekja er á Öxi. Ófært er á Hellisheiði eystri og þæfingur á Vatnsskarði eystra.

Greiðfært er á öðrum leiðum.

Vegna hættu á slitlagsskemmdum eru þungatakmarkanir víða og eru

flutningsaðilar beðnir að kynna sér það nánar í síma 1777.

Unnið er við breytingar á Kársnesbraut (undir eystri brú Hafnarfjarðarvegar (40) og verður þá einungis hægt að hafa eina akrein

opna og verður umferðinni stýrt með umferðarljósum við enda vinnusvæðis og mun þessi framkvæmd taka 1 til 2 daga.

Vegna framkvæmda á Hringvegi 1 í Borgarnesi er umferð beint um hjáleið.

Vegfarendur eru beðnir að sýna aðgát og tillitsemi. Einnig er unnið við

slitlagsviðgerðir í Norðurárdal og á Borgarfjarðarbraut og þar er hætta á

grjótkasti.

Við minnum vegfarendur á að vegna framkvæmda við tvöföldun Reykjanesbrautar er nauðsynlegt að sýna þar aðgát. Sérstaklega biðjum við fólk að fara varlega við framhjáhlaup við Voga, Grindavíkurveg og Njarðvík. Mikilvægt er að virða hraðatakmarkanir.