Enn minnkar fylgi ríkisstjórnarinnar

Fylgi við ríkisstjórnina mælist 52% í nýjum þjóðarpúlsi Gallups. Fylgi við ríkisstjórnina var tæplega 80% í upphafi kjörtímabilsins en hefur minnkað jafnt og þétt síðustu sjö mánuði.

Sjálfstæðisflokkurinn mældist með 33% fylgi en Samfylkingin með 30%

Framsóknarflokkurinn er með 9% fylgi og Frjálslyndi flokkurinn 4%. Vinstri græn mælast með 20% stuðning.

2% myndu kjósa Íslandshreyfinguna ef kosningar færu fram nú. 10% svarenda tóku ekki afstöðu eða neita að gefa hana upp og 12% segjast ekki ætla að kjósa.

Könnunin var gerð á tímabilinu 28 maí til 30 júní.