Bráðabirgðalög vegna skjálfta staðfest

Björgvin G. Sigurðsson viðskiptaráðherra hefur lagt fram frumvarp sem ætlað er að staðfesta bráðabirgðalög um breytingu á lögum um Viðlagatryggingu Íslands. Bráðabirgðalögin voru sett í lok maí eftir að snarpur skjálfti reið yfir Suðurland með tilheyrandi tjóni.

Frumvarpið kveður á um að eigin áhætta fólks sem varð fyrir tjóni verði lækkuð. Eigin áhætta á að vera fimm prósent af hverju tjóni en þó ekki lægri upphæð en 20 þúsund vegna lausafjár og 85 þúsund vegna húseigna og mannvirkja.

Fram kom í fréttum Stöðvar 2 á dögunum að Viðlagatrygging hefði skoðað um 2200 hús og greitt um 1,4 milljarða króna í bætur. Eignatjónið í jarðskjálftunum á Suðurlandi í maísíðast liðnum var mun meira en í jarðskjálftunum þar árið 2000 og hleypur á milljörðum króna.