Undarleg ákvörðun Seðlabankans

Það er undarlegt að Seðlabankinn skuli hafa hækkað stýrivexti þegar seðlabankar um allan heim hafa lækkað vextina, að mati Jóns Daníelssonar prófessors í fjármálum við London School of Economics.

Jón sagði fréttum Ríkissjónvarpsins fyrr í kvöld að að Alþjóðagjaldeyrissjóðurinn hafi ávallt farið fram á miklar vaxtahækkanir og byggt á gamaldags hagfræði sem segi að hærri vextir styrki gengi gjaldmiðla. Jón benti á að að þessi stefna hafi haft hræðilegar afleiðinar í Asíu þegar Alþjóðagjaldeyrissjóðurinn hækkaði vexti þar.

Aðspurður hvort hann hafi trú á því að aðgerðir Seðlabankans frá því í morgun muni styrkja krónuna og að eðlileg viðskipti muni hefjast með hana sagði Jón: ,,Ef við einblínum bara á það markmið að koma viðskiptum með krónuna í lag þá hugsa ég að það gæti hjálpað til með það. Það eru aftur á móti stærri markmið og betri að hafa lægri vexti fyrir hagkerfið í heild sinni frekar en fókúsera beint á gjaldeyrismarkaðinn."