Akrein lokað til að auka öryggi á Miklubraut

Á Miklubraut er unnið að lagningu nýrrar sérakreinar fyrir strætisvagna á norðurakbraut frá Skeiðarvogi að Grensásvegi. Til að auka öryggi vegfarenda og starfsmanna á framkvæmdatíma verður akrein næst framkvæmdastað lokað tímabundið fram í miðja næstu viku.

Unnið er að jarðvegsskiptum og þarf því að grafa allt að tveggja metra djúpan skurð meðfram kantsteini eldri akreinar. Þetta kemur fram í tilkynningu frá framkvæmda- og eignasviði Reykjavíkur.

Fjallað var um málið í fréttum Stöðvar 2 í gær og athygli vakin á hættu sem stafar af skurðinum. Sigurður Helgason, verkefnastjóri hjá Umferðarstofu, sagðist vilja sjá aðrar fyrirstöður við skurðinn en umferðarkeilur.

Tilkynningu framkvæmda- og eignasviðs er hægt að sjá hér.