Erfið staða á frístundaheimilum

Rúmlega 1700 grunnskólabörn í Reykjavík eru á biðlista eftir plássi á frístundaheimilum borgarinnar sem tóku til til starfa í vikunni.

,,Þetta er erfið staða og staða sem við höfum þurft að takast á við á hverju ári. Mjög mikil eftirspurn er eftir þessari þjónustu og það hefur aldrei tekist að eyða þessum biðlistum," segir Kjartan Magnússon, formaður ÍTR, en bendir á að seinustu misseri hafi gengið betur en undanfarin ár að ráða starfsfólk á frístundaheimilin.

Fyrir viku var búið að ráða 160 starfsmenn en Kjartan segir að þeir séu nú orðnir 200. Stórhluti þeirra sem vinna í frístundaheimilum eru háskóla- og framhaldsskólanemar sem eru þessa dagana að bíða eftir stundaskrám og Kjartan er bjarsýnn á að skólafólki haldi áfram að fjölga.

,,Við erum að skipa starfshóp til að fara yfir málið til lengra tíma litið svo hægt verði að ná meiri samfellu í starfsmannahaldið," segir Kjartan sem vonar að starfsmannamál frístundaheimilina leysist.