Heimasíða Vals hökkuð

Heimasíða íþróttafélagsins Vals liggur nú niðri eftir að tölvuþrjótar réðust inn á hana í fyrradag og eyðilögðu.

"Já, heimasíðan okkar var hökkuð," segir Dagur Sigurðsson framkvæmdastjóri félagsins en hann tekur fram að heimasíðan verði komin upp aftur fljótlega. Það sé nauðsynlegt því síðan sé milkilvægur þáttur í starfseminni.

Dagur segist ekki vita nákvæmlega hvað það var sem tölvuþrjótarnir gerðu sem olli því að heimsíðan hrundi. Hann segist heldur ekki vita hvað þeim gekk til.

"Við eigum eftir að ákveða hvort við kærum þetta til lögreglu. Við sjáum til hvað þetta er mikið tjón fyrir okkur og tökum ákvörðun í kjölfarið á því."