Ein og hálf milljón á mánuði í aðstoð til Ólafs

Þeir tveir starfsmenn Reykjavíkurborgar sem heyra beint undir Ólaf F. Magnússon borgarstjóra eru með samanlagt eina og hálfa milljón á mánuði í laun.

Þessir tveir starfsmenn eru Ólöf Guðný Valdimarsdóttir, pólitískur ráðgjafi Ólafs og Jakob Frímann Magnússon nýráðinn framkvæmdastjóri miðborgarmála.

Borgarstjóri hefur komist svo að orði að Jakob verði honum til aðstoðar við fleiri mál en þeim sem snúa að miðborginni og þurfi því að koma úr hópi pólitískra stuðningsmanna sinna.Þá hefur Jakob sjáfur sagst ætla að verða "framhandleggur borgarstjóra"

Fyrir það fær Jakob alls 860 þúsund krónur á mánuði. Ólöf Guðný þiggur um 700 þúsund krónur á mánuði fyrir aðstoð sína við borgarstjóra.

Sjálfur er borgarstjóri svo með 1,1 milljón í laun á mánuði.