Talsvert tjón í eldsvoða í myndlistarskólanum á Akureyri

Rétt fyrir miðnætti í gærkvöldi barst slökkviliði Akureyrar tilkynning um eld í myndlistarskólanum í Kaupvangsstræti. Allt vakthafandi lið frá aðalstöð og flugvelli var kallað á staðinn, ásamt því að mannskapur af tveimur frívöktum var kallaður til.

Að sögn slökkviliðsins hófu reykafarar þegar leit í húsinu en mikill reykur og hiti var á miðhæð hússins. Reykafarar komust fljótlega í upphafl eldsins í kaffiaðstöðu á miðhæð hússins og vel gekk að ráða niðurlögum hans. Húsið er stórt og á þremur hæðum og hafði reykur komist í stigahús á milli hæða.

Grunur beinist að eldsupptökin hafi verið í rafmagnstækjum í eldhúsinnréttingu á kaffistofu en rannskókn stendur yfir. Það er ljóst að ekki mátti muna miklu að verr færi þar sem mikill hiti og reykur var í allri miðhæðinni og ljóst að eldurinn hafði kraumað um stund. Tjón er talsvert, en mikið er af viðkvæmum tölvubúnaði í húsinu ásamt bókasafni og einhverjum verkum nemanda