Skuggahverfi dæmt til að greiða Þorvaldi og frú um fjórar milljónir

Héraðsdómur Reykjavíkur dæmdi í dag 101 Skuggahverfi til þess að greiða Þorvaldi Gylfasyni háskólaprófessor og konu hans, Önnu Karítas Bjarnadóttur, 4,1 milljón króna í bætur vegna galla á íbúð sem þau keyptu í Skuggahverfinu árið 2005.

Héraðsdómur komst að því að 101 Skuggahverfi bæri ekki ábyrgð á því að parket hefði skemmst og hafnaði því rúmlega sjö milljóna króna kröfu þar um. Hins vegar bar fyrirtækinu að greiða Þorvaldi og frú um 3,5 milljónir vegna galla á rúðum, 600 þúsund til þess að bæta hljóðvist í íbúðinni og rúmlega 20 þúsund vegna málningarvinnu.

Héraðsdómur hafnaði kröfu hjónanna um að 101 Skuggahverfi yrði gert að greiða matskostnað, nærri þrjár milljónar, en hins vegar ber fyrirtækinu að greiða eina milljón í málskostnað til þeirra.