Vill að kosið verði aftur um staðsetningu flugvallar

Ólafur F. Magnússon, fyrrverandi borgarstjóri, vill að borgarbúar kjósi á ný um framtíðarstaðsetningu flugvallarins í Reykjavík.

Ólafur mun leggja fram tillögu þessa efnis á fundi borgarstjórnar á þriðjudag. Hann segir með ólíkindum að meirihluti borgarfulltrúa vinni að framtíðarskipulagi sem byggi á niðurstöðum kosninga sem haldnar voru árið 2001.

Kosningum sem aðeins um 37 prósent fólks á kjörskrá tók þátt í. Af þeim vildu 48 prósent flugvöllin áfram í Vatnsmýri en 49 prósent að flugvöllurinn færi. Munurinn var 384 atkvæði.