Meintur mannræningi ákærður fyrir þjófnað á 0,2 tonnum af humri

Liðlega þrítugur karlmaður hefur verið ákærður fyrir að brjótast inn í frystigám í eigu fyrirtækisins Atlastaðafisks ehf sem stóð við Fitjabraut í Reykjanesbæ og stela þaðan 170 kílógrömmum af humri, að áætluðu verðmæti 680 þúsund krónur.

Hann er jafnframt grunaður um að hafa brotist inn í fiskverkun Háteigs við Sandgerðisveg í Garði og stolið þaðan borðtölvu og inn í fyrirtækið Beiti í Vogum og stolið þaðan annarri borðtölvu 12 október 2006.

Þessi sami maður er ákærður fyrir mannrán, en Vísir sagði frá því í gær.

Ákærurnar voru allar þingfestar á sama tíma.