Jarðgöng um Gufudalssveit metin tvöfalt dýrari en þverun fjarða

Fern umhverfisverndarsamtök, Fuglavernd, Landvernd, Náttúruverndarsamtök Íslands og Náttúruvaktin, hvöttu Alþingi til þess í síðustu viku að hafna niðurstöðu Vegagerðar og umhvefisráðherra um að leggja veginn um Teigsskóg og yfir Djúpafjörð og Gufufjörð. Samtökin telja að fremur eigi að velja jarðgöng undir tvo erfiða hálsa til að leysa samgönguvandann. Í nýjasta fréttabréfi Vegagerðarinnar kemur fram í grein Hreins Haraldssonar, framkvæmdastjóra þróunarsviðs, að Vegagerðin hafi skoðað jarðgöng en þeirri leið verið hafnað á sínum tíma vegna kostnaðar. Er kostnaður við jarðgöng metinn tveimur til þremur milljörðum króna hærri, eða allt að 5,4 milljarðar króna, meðan sú lausn sem valin var er talin kosta allt að tvo og hálfan milljarð króna.