Lögmaður Færeyja kom í opinbera heimsókn í dag

Lögmaður Færeyja, Jóannes Eidesgaard, hóf opinbera heimsókn sína til Íslands í dag er hann lenti á Reykjavíkurflugvelli ásamt fríðu föruneyti.

Jóannes er staddur hér á landi í boði Geirs H. Haarde, forsætisráðherranes Eidesgaard verður hér á landi í þrjá daga, en með í för eru embættismenn og fjölmenn viðskiptasendinefnd. Lögmaðurinn mun eiga fund með Valgerði Sverrisdóttur, utanríkisráðherra, opna færeyska viðskiptaráðstefnu og heimsækja stofnanir og fyrirtæki.

Jóannes hefur gegnt embætti lögmanns Færeyja frá árinu 2004 en hann er jafnframt formaður Jafnaðarmannaflokksins í Færeyjum. Stjórn hans hefur viljað beita sér fyrir því að taka við ákveðnum málaflokkum af Dönum en ekki slíta tengslin við Danmörku né krefjast fulls sjálfstæðis af þeirra hendi.