Lögregla átti ekki þátt í dauða manns sem gekk berserksgang

Ekki er talið lögreglan hafi átt þátt í dauða karlmanns sem lést í haldi hennar eftir að hann gekk berserksgang á Hótel Sögu. Krufning leiddi í ljós að maðurinn lést vegna æsingsóráðsheilkenna sem orsakaðist af neyslu fíkniefna. Maðurinn var einnig með hjartasjúkdóm sem talið er að hafi verið samverkandi þáttur í dauða hans.

Lögreglan hafði afskipti af manninum þar sem hann gekk berserksgang á Hótel Sögu í lok nóvember á síðasta ári. Hann veitti mikla mótspyrnu þegar þegar lögreglan reyndi að handtaka hann. Þegar færa átti hann úr lögreglubílnum reyndist hann í öndunar- og hjartastoppi. Hann lést nokkrum dögum síðar á Landspítalanum.