Kompás aðgengilegur fyrir iTunes á podcast

Fréttaskýringaþátturinn Kompás sem sýndur er á Stöð 2 er nú aðgengilegur fyrir iTunes á Podcast.is. Eins og kunnugt hlaut þátturinn Edduverðlaunin í fyrra í flokknum besti sjónvarpsþátturinn og þá hefur umfjöllun hans um læknadóp, Byrgið og barnaníðinga á Netinu vakið mikla athygli.

Í tilkynningu frá aðstandendum Kompáss segir að þættirnir séu í fullum gæðum og hægt að horfa á þá beint í tölvunni með iTunes 7 eða flytja yfir á iPod. Þátturinn og ítarefni tengt honum eru á vefsíðunni visir.is/kompas. Þar er einnig hlekkur fyrir þá sem vilja nálgast þáttinn með podcast-tækninni frá Podcast.is.