Leitar að kærustu

Orlando Bloom leitar logandi ljósi að kærustu á internetinu. Á síðunni Facebook.com er Orlando skráður undir nafni vinar síns, og notar jafnframt mynd af honum.

„Stundum er erfitt að vita hvort að stelpunum líst vel á mig eða gæjann sem þær sáu í „Pirates of the Caribbean.“ Svona get ég kynnst þeim í dulargervi,“ segir leikarinn um athæfið.

Bloom er kominn í fjölskyldu­gírinn og vill gjarnan hitta draumastúlkuna sína sem fyrst. „Mig langar í alvöru fjölskyldulíf, með konu og börnum,“ segir hann. „Líf mitt hefur verið skrítið á margan hátt, og núna langar mig að geta deilt því með einhverjum.“