Dísarpáfagauksins Drizzt Do'Urden Hagalín saknað

Dísarpáfagaukur, flaug á vit ævintýranna frá heimili sínu á Klapparási á laugardagskvöldið síðastliðið. Hans er eðlilega sárt saknað af eigendum, sem sendu fréttastofu eftirfarandi tilkynningu:

Elskulegir landsmenn, dísarpáfagaukurinn minn, Drizzt Do'Urden Hagalín flaug óvart að heiman í gærkvöldi, laugardagskvöldið 23. júní og er hans mjög. mjög sárt saknað. Drizzt er hvítur með gulan kamb. Hann býr að Klapparási 5, 110 Reykjavík (rétt hjá Árbæjarlauginni) og er ekki vanur að vera utandyra. Hann elskar poppkorn og við erum mörg sem elskum hann. Ef þið sjáið hann eða heyrið af honum viljið þið láta mig vita strax, ég heiti Auðunn Bragi Salmarsson Hagalín með síma 848-3438 eða hafið samband við mömmu, Ingibjörgu Snorradóttur Hagalín í síma 867-7942

Með von um skjót viðbrögð og góðan endi !

Auðunn Bragi Salmarsson Hagalín 848-3438 eigandi

Allir þeir sem sjá til gauksa eru beðnir að hafa samband við eigendur.