Háð ísraelskum húðvörum

Söngkonan Madonna er að eigin sögn algjörlega háð vissum ísraelskum húðvörum. Madonna er orðin 48 ára og lítur vissulega ekki út fyrir það enda hugsar hún mjög vel um líkamann.

Henni þykir þó húðin í andlitinu hafa orðið útundan og var yfir sig ánægð þegar Kabbalah-meistarinn hennar, Karen Berg, sagði henni frá ótrúlegum húðvörum sem halda hrukkum og línum í burtu.

„Í húðvörurnar eru notuð náttúruleg sölt og þörungar úr Dauðahafinu sem hefur víst mjög góð áhrif á húðina. Madonna er svo hrifin af vörunum að hún löðrar þeim á sig morgna sem kvöld,“ sagði heimildarmaður. „Hún hefur vel efni á að kaupa dýrari vörur en tekur Laline-vörurnar fram yfir annað.“