Paris og Lindsay Lohan á góðu róli

Hótelerfinginn Paris Hilton er alveg blússandi hamingjusöm þessa dagana enda nýsloppin úr fangelsi. Fjölmiðlafárið í kringum hana hefur verið rosalegt og 3,2 milljónir áhorfenda fylgdust með viðtali hennar við Larry King. Gaman er að geta þess að kappræður repúblikana fengu minna áhorf.

Paris fagnaði frelsinu á Hawaii nýlega þar sem hún bæði verslaði og lá í sólbaði. Ekki veitti af þar sem hörundslitur hennar var orðinn fulleðlilegur eftir fangelsisdvölina. Á leiðinni til Hawaii dundaði hún sér meðal annars við að horfa á myndbrot af sjálfri sér í viðtalinu hjá King. Þar sagði hún meðal annars að heimurinn ætti að búa sig undir nýja Paris.

Í gær var þjóðhátíðardagur Bandaríkjanna og af því tilefni skrifaði Paris nýja færslu á bloggið sitt. Þar segist hún meðal annars vera afslöppuð eftir Hawaii-ferðina og þakkar aðdáendum öll bréfin. Í lokin segir hún: „Gleðilegan þjóðhátíðardag, allir! Munið að vera ábyrg og aka ekki undir áhrifum. Ég er bara að passa upp á ykkur. Ég elska ykkur og vona að þið hafði það gott í sumar.“

Lindsey Lohan, vinkona Hilton, hefur ekki verið betur sett undanfarinn mánuð en í stað fangelsis hefur hún dvalið á meðferðarheimili. Hún er nú komin heim og lítur að margra mati mun betur út. Spókar sig um í sólinni með götumál í annarri og iPhone í hinni. Leikkonan hélt upp á 21 árs afmæli sitt nýlega og í stað þess að halda tryllt partí eins og til stóð áður en hún fór í meðferð hafði hún það notalegt í sólinni með vinum og fjölskyldu. Hún er þó ekki ennþá útskrifuð af meðferðarheimilinu Promises í Malibu og fer reglulega í eftirlit.