Clinton mikill ,,24” aðdáandi

Bill Clinton, fyrrum forseti Bandaríkjanna, er mikill aðdáandi spennuþáttanna 24, þrátt fyrir að framleiðandi þeirra, Joel Surnow, sé harður repúblikani. Þykir Clinton gott að bæði íhaldsmenn og frjálslyndir séu vondu gæjarnir í þáttunum, það sé reynt að gæta jafnræðis í þeim efnum.

24 er þó ekki eini sjónvarpsþátturinn sem Clinton hefur gaman af. Uppáhalds þáttur fyrrum forsetans er læknaþátturinn Gray's Anatomy en hann hefur einnig mjög gaman af Boston Legal þar sem þeir William Shatner og James Spader fara á kostum. Clinton ætti að hafa nægan tíma til að horfa á sjónvarpið þessa dagana þar sem kona hans, Hillary, er lítið heima en hún er að bjóða sig fram sem forsetaefni demókrata fyrir næstu kosningar.