Rekinn úr Grey's Anatomy

Howard Bragman, talsmaður leikarans, sagði að samningur hans hefði ekki verið endurnýjaður og vísaði í þessa yfirlýsingu frá leikaranum. ,,Ég er snarbrjálaður og ætla ekki að láta bjóða mér þetta lengur." Frasinn er tilvísun í bíómyndina Network frá árinu 1976 sem fjallar um frægan fréttamann sem er rekinn vegna vinsældaleysis.

Öðrum leikurum í þættinum var tilkynnt um ákvörðunina á þriðjudag, og kom hún að sögn heimildamanna þeim ekki á óvart.

Slæm hegðun Washington hefur verið í sviðsljósinu í vetur. Þannig réðst hann að T. R. Knight samkynhneigðum samleikara sínum, með svívirðingum um kynhneigð hans.

Hann baðst afsökunar á atvikinu, hitti leiðtoga samtaka samkynhneigðra, gaf frá sér yfirlýsingu um að hann hefði ýmigust á dónatali sem þessu og í sönnum Hollywood stíl - fór í meðferð.