West söluhærri en 50 Cent í Bandaríkjunum

Bandaríski rapparinn Kanye West sem háð hefur einvígi við landa sinn 50 Cent um söluhæstu plötuna hafði betur í Bandaríkunum nú fyrstu söluvikuna. West hafði einnig betur í Bretlandi í síðustu viku. Plata West, Graduation, hefur selst í 957 þúsund eintökum vestanhafs en um 691 þúsund eintök hafa selst af Curtis plötu 50 Cent.

Áður en plötur þeirra félaga komu út hét 50 Cent því að hætta plötuútgáfu ef West yrði söluhærri.

Hann hefur núna hætt við tónleikaferð um Evrópu en talsmaður hans segir ófyrirséðar ástæður liggja þar að baki. Hann vill ekkert gefa upp um hvort rapparinn sé hættur.

50 Cent hefur þó sjálfur látið hafa það eftir sér að hann sé mjög ánægður með að hafa verið hluti af einhverri mest umtöluðu plötuútgáfu síðastliðinna ára. "Saman höfum við selt mörg hundruð þúsund eintök á fyrstu vikunni. Þetta er frábært fyrir hip-hop tónlistina."