Fylgist með vinnu Katie

Tom Cruise mun fylgja konu sinni, Katie Holmes, á tökustað á hverjum degi þegar tökur hefjast á gamanmyndinni Mad Money. Í henni leikur Holmes á móti Diane Keaton og Queen Latifah, en fregnir herma að umboðsmaður Holmes hafi valið hlutverkið gagngert vegna þess að það krefjist hvorki nektar né kossa.

Samkvæmt New York Post hefur Cruise tilkynnt framleiðendum myndarinnar að hann muni verða viðstaddur tökur alla daga. Hann vilji fylgjast með því sem á gengur og hjálpa Katie.