Vivica A. Fox handtekin fyrir ölvunarakstur

Leikkonan Vivica A. Fox, sem hvað þekktust er fyrir hlutverk sitt í stórmyndumum Kill Bill: Vol 1 og Independence Day, var handtekin í L.A. fyrir að keyra undir áhrifum áfengis.

Vivica, sem er 42 ára gömul, var stoppuð seint á þriðjudagskvöld þegar hún þeysti eftir hraðbraut á Cadillacnum sínum á 129 km hraða þar sem hámarkshraðinn var 105 km. Ók hún fram hjá lögreglubíl sem umsvifalaust fór á eftir leikkonunni. Samkvæmt heimildum lögreglu átti Vivica í erfiðleikum með að halda sér á réttri akrein.

Þegar Vivica hafði verið stoppuð var tekið af henni öndunarsýni sem sýndi að áfengisneysla hennar var yfir leyfilegum mörkum. Ekki er ljóst hvenær verður réttað í máli leikkonunnar.