Stjörnuger í afmæli Einars Bárðar

22. mars 2007 09:00

einar bárðarson
Hefur undirbúið margar uppákomur og nú er komið að honum sjálfum og er þá öllu til tjaldað. — einar bárðarson Hefur undirbúið margar uppákomur og nú er komið að honum sjálfum og er þá öllu til tjaldað.

Einar Bárðarson heldur upp á 35 ára afmæli sitt með bravúr á laugardagskvöld. Veislan verður í Vetrargarði Smáralindar og munu nokkrar helstu stjörnur hins íslenska tónlistarlífs troða upp til heiðurs umboðsmanni Íslands.

stjörnuger Margar helstu poppstjörnur Íslands, skjólstæðingar og vinir Einars, munu heiðra afmælisbarnið með tónlist sinni.

Á laugardagskvöld heldur umboðsmaður Íslands - Einar Bárðarson - upp á 35 ára afmæli sitt. Samkvæmt heimildum Fréttablaðsins verður öllu til tjaldað. Einar, sem hefur annast ýmsar uppákomur, ætlar greinilega ekki að láta sína eigin afmælisveislu vera afgangsstærð í þeim efnum.

Páll Óskar - dj - Nasa - Eurovision störnuljós

Veislan verður haldin í Vetrargarðinum þar sem X-Factor er með upptökuaðstöðu og þegar hafa fjölmargir gefið grænt ljós á að heiðra afmælisbarnið á þessum tímamótum. Þrjú hundruð manna gestalisti er fyrirliggjandi og áberandi í hópi þeirra sem fram koma eru vitanlega skjólstæðingar Einars í gegnum tíðina sem og samstarfsmenn hans í tengslum við sjónvarpsþættina Idol og X-Factor.

Konungur rokksins, Bubbi, mun troða upp sem og Páll Óskar. Nylon flokkurinn mun að sjálfsögðu syngja til heiðurs guðföður sínum og það mun einnig Garðar Thor Cortes gera. Jógvan og Alan úr X-Factor munu hefja upp raust sína sem og stjarna síðasta árs: Magni.

Enn er ekki búið að fylla lista þeirra listamanna sem fram munu koma í afmælisveislu Einars en X-Factor hljómsveitin mun spila, Kristjana Stefáns ætlar að syngja og Sumargleðin kemur fram.

Bubbi Morthens með tónleika á Borginni Bubbi Morthens tekur lagið á Borginni með gítarinn og hljóðnemann að vopni

Einar Bárðarson er ekki einn þeirra sem hefur í heiðri það að ekki skuli blanda saman ánægju og viðskiptum því samkvæmt heimildum blaðsins verða innkaupastjórar Woolworths, Tesco, Morrisons, Virgin, Sainsbury's og Play.com viðstaddir þessi miklu hátíðarhöld sem og samstarfsmenn Einars hjá Universal Music Oporation í London - þar sem Einar rekur sína umboðsskrifstofu.

Skipulagning gleðinnar er í höndum Saga film Events - en starfsemi kvikmyndafyrirtækisins hefur nú á seinni tímum færst æ meir yfir í að skipuleggja veislur hinna ríku - Saga Film sá einmitt um afmæli Ólafs Ólafssonar í Samskipum þegar Elton Johns mætti til að syngja til heiðurs afmælisbarninu. Og allir hnútar eru hnýttir, þannig er lagt upp úr öryggismálum og mun EA Securities gæta svæðisins. jakob@frettabladid.is

Mest lesið

Fleiri fréttir

Mest lesið

Fleiri fréttir

Mest lesið

Tarot dagsins