Blanchett orðin ofurmjó

Leikkonan Cate Blanchett kom aðdáendum sínum óþægilega á óvart fyrir stuttu þegar hún birtist, ofurmjó, á góðgerðarkvöldi listasafnsins í New York. Hárgreiðsla hennar og farði hjálpuðu ekki til og ýttu undir hið nýja útlit hennar.

Blanchett, sem lék í Lord of the Rings, þótti varla svipur hjá sjón. Einn af þeim sem sóttu viðburðinn hafði þetta að segja „Kannski var lýsingin bara skrýtin en axlirnar á henni virtust beinaberar og viðbeinin hreinlega stungu í augun. Hárið á henni leit líka illa út og það er oft merki um að að hafa grennst of mikið of hratt."

Engu að síður var hermt að Blanchett hefði verið í góðum fíling þrátt fyrir að vera ein algrennsta stjarnan á svæðinu. Hún talar sjaldan um líf sitt en hún var víst fljót að grennast eftir að hafa eignast börnin sín tvö, Dashiell John, fimm ára og Roman, þriggja ára.