Árangurslítil meðferð

Lindsay Lohan, sem er nýkomin úr meðferð, hefur snúið aftur til fyrri starfa. Leikkonan hefur lítið dregið úr ferðum sínum á skemmtistaðina í Englaborginni og þykir mörgum nóg um.

Heimildarmaður af tökustað myndarinnar I Know Who Killed Me, sem Lohan vinnur nú að, segir að hún sé enn við sama heygarðshornið og fyrir meðferðina og hafi látið samstarfsfólk sitt bíða eftir sér í marga klukkutíma. „Þegar hún kom loksins sagðist hún þurfa að leggja sig. Lohan kom ekki út úr hjólhýsinu sínu í fimm klukkutíma, en svo kastaði hún upp og fór svo strax heim,“ sagði heimildarmaðurinn, sem var heldur óhress með hegðun leikkonunnar.