Gerviprestur reynir að skíra barn

Maður sem þóttist vera prestur var handtekinn af lögreglu þar sem hann bjó sig undir að skíra barn í smábæ í norður-Portúgal í síðustu viku.

,,Um leið og hann sleppti orðunum ,,Í nafni Föðurins, Sonarins og hins Heilaga Anda" kom lögreglan inn og greip hann" sagði einn kirkjugesta við dagblað bæjarins Jornal de Noticias.

Talsmaður portúgölsku lögreglunnar sagði að hinn 34 ára gamli maður hefði verið handtekinn, grunaður um að leika prest, og að margar handtökuskipanir hefðu verið gefnar út á manninn fyrir svipað athæfi í gegnum tíðina.

,,Við þurftum að trufla athöfnina til að bera kennsl á manninn" sagði talsmaðurinn, Amelia Moutinho, og bætti við að saksóknari færi nú yfir málið.

Barnið var hinsvegar skírt af alvöru presti.