Skemmdirnar á Axeli kannaðar í kvöld

Starfsmenn Dreggjar ehf, skipafélagsins sem gerir út flutningaskipið Axel sem strandaði við Hornafjarðarós í morgun, eru komnir til Fáskrúðsfjarðar en skipið er í þann mund að leggja að bryggju. Bjarni Sigurðsson hjá Dregg segir að kafarar kanni þegar í kvöld hversu alvarlegar skemmdirnar á skipinu séu.

Bjarni segir að farmur skipsins, frosinn fiskur, sé í lagi eftir því sem best er vitað. Hann segir það verða að koma í ljós hvort hægt sé að gera við skipið strax eða hvort farmurinn verði fluttur um borð í annað skip.