Aldrei fleiri lifað í skugga fátæktar

„Ég er svolítið sjokkeruð yfir því hvernig auðmenn Íslands geta horft upp á þúsund íslendinga sem lifa í skugga fátæktar upp á hvern einasta dag," segir Ásgerður J Flosadóttir hjá Fölskylduhjálp Íslands.

Ásgerður segir ásóknina í matarpakka Fjölskylduhjálparinnar aldrei hafa verið meiri og á síðasta miðvikudag hafi 115 fjölskyldur leitað til samtakanna. „Ástandið er mjög alvarlegt og það er alltof stór hópur manna sem býr við fátækt. Á miðvikudaginn síðasta úthlutuðum við á annað tonn af matvöru en samt kom til okkar fólk sem greip í tómt," segir Ásgerður en henni finnst auðmenn landsins taka seint við sér.

„Við eigum okkar tryggu aðila sem gefa matvæli og síðan er ég búin að sækja um hjá fjárlaganefnd og borginni. Ég vona að ég fái eitthvað þar vegna þess að við þurfum alltaf að kaupa eitthavð inn fyrir jólin," segir Ásgerður sem er sannfærð um að á morgun komi fleiri en í síðustu viku.

„Maður er að vinna þetta af hugsjón en það er erfitt að velta fyrir sér hverri einustu krónu sem maður eyðir. Því er ég hissa á öllu þessu ríka fólki á Íslandi sem á svo mikið að því dugar ekki ævin til þess að eyða því, á sama tíma og allt þetta fólk er að koma til okkar."

Ásgerður hefur unnið í hjálparstarfi í ellefu ár en hún segir Fjölskylduhjálpina vera einu samtökin þar sem allir starfsmenn eru launalausir.

Ásgerður kallar á hugarfarsbreytingu í garð þessa fólks. „Afhverju er ekki dagur sem heitir Dagur í Skugga Fátæktar? Og afhverju eru allir svona feimnir við að tala um fátæktina?"

Ásgerðið finnst erfitt að skilja hvað þjóðin sé að hugsa og býst við svakalega erfiðum desember mánuði. „Þessi fyrritæki eru auðvitað að styðja mjög vel við bakið á okkur en það er bara ekki nóg. Við þurfum ekki nema kannski 5 milljónir á ári til þess að geta keypt það sem upp á vantar. Þannig getum við hjálpað 16-18 þúsund munnum á ári."

Fjölskylduhjálp Íslands er með tvo bankareikninga þar sem hægt er að leggja samtökunum lið. Annar reikningurinn er í Landsbankanum og hinn í Glitni.

Bankanúmer 6609

Bankarnúmer 66090

Kennitala 660903 2590