Bílainnbrot upplýst

Lögreglan á Akureyri hefur upplýst innbrot í bílasöluna Bílasalinn.is við Hjalteyrargötu á Akureyri og þjófnað á bíl sem þar var til sölu.

Síðastliðinn febrúar var brotist inn í húsnæði bílasölunnar og stolið þaðan tveimur tölvuskjám og plöstunarvél. Þá var tekinn amerískur pallbíll sem stóð þar á bílasölunni og farið í ökuferð á honum inn í Eyjafjörð. Sú ökuferð endaði utan vegar skammt frá Hrafnagili þar sem bíllinn valt og stórskemmdist.

Við rannsókn lögreglu beindist grunur að ungum manni um tvítugt og hefur hann nú játað að hafa verið að verki.