Áfengisfrumvarpið virðist fá lítinn hljómgrunn á þingi

Vísir hefur kannað afstöðu þingmanna til frumvarps Sigurðar Kára Kristjánssonar og fleiri þingmanna sem lögleiðir sölu léttvíns og bjórs í matvöruverslunum. Aðeins 28 þingmenn af 63 sáu sér fært að svara fyrirspurninni og þar af vildu tveir þeirra ekki opinbera afstöðu sína. Flestir þeirra sem svöruðu eru á móti hugmyndinni og raunar er enginn þeirra fylgjandi frumvarpinu án þess að vera meðflutningsmaður þess.

18 þingmenn úr öllum flokkum svöruðu fyrirspurn Vísis á þá leið að þeir væru andvígir frumvarpinu. Þá hefur andstaða kemur andstaða þeirra Sturlu Böðvarssonar og Bjargar Guðjónsdóttur, Sjálfstæðisflokki, fram í svari þeirra við sömu spurningu sem Heimdallur lagði fyrir þingmenn Sjálfstæðisflokksins.

17 þingmenn úr Sjálfstæðisflokki, Samfylkingu og Framsóknarflokki eru skráðir sem flutningsmenn frumvarpsins og verður afstaða þeirra að teljast ljós. Þá er afstaða heilbrigðisráðherra, Guðlaugs Þórs Þórðarsonar ljós, en hann hefur lýst stuðningi við málið. Þá hefur komið fram annarsstaðar að sjálfstæðisþingmennirnir Kjartan Ólafsson og Herdís Þórðardóttir eru fylgjandi málinu.

Tveir þingmenn neituðu að gefa upp afstöðu sína til málsins. Kristján L. Möller, samgönguráðherra, sagði að afstaða sín kæmi í ljós þegar, og ef, atkvæðagreiðsla fer fram um frumvarpið. Kolbrún Halldórsdóttir, VG, sagðist hafa slæma reynslu af því þegar blaðamenn reyni að „knýja fram atkvæðagreiðslu um umdeild mál á Alþingi." Hún segist því vilja láta hina eiginlegu atkvæðagreiðslu á Alþingi skera úr um niðurstöðuna. Kolbrún vísar þó í að afstaða hennar hafi komið fram í umræðum um málið á þingi en þar talaði hún gegn málinu.

Af þeim 28 sem svöruðu voru átta fylgjandi frumvarpinu, 18 voru á móti og tveir neituðu að gefa upp afstöðu sína.

Athygli vekur að enginn þingmaður, sem ekki er flutningsmaður að frumvarpinu, svarar fyrirspurn Vísis á þann veg að hann sé fylgjandi hugmyndinni.

Þeir þingmenn sem svöruðu fyrirspurn Vísir eru:

Á móti:

Steingrímur J. Sigfússon, VG

Steinunn Valdís Óskarsdóttir, Samfylkingu

Álfheiður Ingadóttir, VG

Siv Friðleifsdóttir, Framsóknarflokki

Magnús Stefánsson, Framsóknarflokki

Ellert B. Schram, Samfylkingu, með fyrirvara

Atli Gíslason, VG

Guðbjartur Hannesson, Samfylkingu

Karl V. Matthíasson, Samfylkingu

Jón Magnússon, Frjálslyndum, á móti í óbreyttri mynd

Árni Þór Sigurðsson, VG

Ögmundur Jónasson, VG

Bjarni Harðarson, Framsóknarflokki

Árni Johnsen, Sjálfstæðisflokki

Katrín Jakobsdóttir, VG

Jón Bjarnason, VG

Þuríður Bachman, VG

Katrín Júlíusdóttir, Samfylkingu

Fylgjandi:

Pétur Blöndal, Sjálfstæðisflokki

Ágúst Ólafur Ágústsson, Samfylkingu

Arnbjörg Sveinssdóttir, Sjálfstæðisflokki

Birkir Jón Jónsson, Framsóknarflokki

Bjarni Benediktsson, Sjálfstæðisflokki

Kristján Þór Júlíusson, Sjálfstæðisflokki

Birgir Ármansson, Sjálfstæðisflokki

Sigurður Kári Kristjánsson, Sjálfstæðisflokki

Neita að svara:

Kristján L. Möller, Samfylkingu

Kolbrún Halldórsdóttir, VG