Innlent

Goldfinger með skemmtanaleyfi þrátt fyrir lögbrot

Áfram dansað á Goldfinger.
Áfram dansað á Goldfinger.

Lögreglan hefur ekki gripið til sérstakra aðgerða vegna súlustaðarins Goldfingers í Kópavogi þrátt fyrir að starfsmenn staðarins hafi orðið uppvísir að lögbrotum. Hjá sýslumannsembættinu í Kópavogi og lögreglunni á höfuðborgarsvæðinu fengust þær upplýsingar ekki væri búið að afturkalla skemmtanaleyfi staðarins.

Eins og greint var frá á Vísi í gær heimsótti blaðamaður Vísis staðinn á miðvikudaginn. Þar var honum boðið upp á einkadans gegn greiðslu og þá lét einn dansarinn hann fá símanúmer sitt og vildi ólm hitta blaðamann utan vinnutíma. Goldfinger missti leyfi til nektarsýningar í sumar.

Haft var eftir Guðfríði Arnardóttur, oddvita Samfylkingarinnar í bæjarstjórn Kópavogs, á Vísi í gær að málið gæfi tilefni til lögreglurannsóknar á staðnum.

Stefán Eiríksson, lögreglustjóri höfuðborgarsvæðisins, sagði í samtali við Vísi í gær að lögreglan haldi úti skipulögðu eftirliti með veitingastöðum á höfuðborgarsvæðinu. Hann sagði einkadans vera bannaðan en bætti við að lögreglan elti ekki fréttir fjölmiðla.


Tengdar fréttir

Lögreglan fylgist með veitingastöðum en vissi ekki af einkadansi

Lögreglan á höfuðborgarsvæðinu heldur úti skipulögðu eftirliti með veitingastöðum á höfuðborgarsvæðinu en embættið eltir ekki fréttir fjölmiðla. Þetta segir Stefán Eiríksson, lögreglustjóri í samtali við Vísi þegar hann er spurður út í frétt Vísis þess efnis að einkadans sé enn stundaður á nektarstaðnum Goldfinger í Kópavogi þrátt fyrir að blátt bann liggi við því.

Tilefni til lögreglurannsóknar

Guðríður Arnardóttir, oddviti Samfylkingarinnar í Kópavogi segir að tilefni sé til lögreglurannsóknar reynist það rétt að enn sé boðið upp á einkadans á Goldfinger í Kópavogi. Eins og Vísir greindi frá fyrr í dag er enn hægt að kaupa sér einkadans á staðnum þrátt fyrir að það sé klárt lögbrot.

Mest lesið


Fleiri fréttir

Sjá meira


×

Mest lesið