Marijúana er vandamál fyrir George

Poppsöngvarinn George Michael hefur viðurkennt að notkun hans á marijúana geti verið vandamál og að hann sé stöðugt að reyna að reykja minna af efninu. "Algerlega, ég myndi vilja nota það minna, engin spurning," sagði hann í útvarpsviðtali við BBC. "Að því leiti er þetta vandamál." Hann bætti þó við að hann héldi ekki að notkunin truflaði daglegt líf hans. "Ég er hamingjusamur maður og hef efni á marijuana, svo það er ekki vandamál." Söngvarinn hefur áður látið hafa eftir sér að heimurinn yrði betri staður til að búa í ef kannabis efni yrðu lögleg.