Pamela og Denise Richards saman á forsíðu Playboy?

Vinkonunum Pamelu Anderson og Denise Richards hefur verið boðið að sitja fyrir naktar í Playboy fyrir eina milljón Bandaríkjadala eða um 62 milljónir íslenskra króna. Fréttir herma að þær stöllur, sem báðar hafa setið fyrir í blaðinu áður, íhugi alvarlega að taka tilboðinu.

Það mun vera sjálfur Hugh Hefner sem sækist eftir þeim saman á forsíðu næsta janúarheftis blaðsins. Anderson hefur alls setið 12 sinnum fyrir í blaðinu, og á metið, en Denise fækkaði fötum á forsíðu desemberheftisins 2004.

Denise og Anderson munu vera fínar vinkonur en þær kynntust við tökur á myndinni Blonde & Blonder.