Hjónin Anthony og Lopez leggja upp í tónleikaferð

Leik- og söngkonan Jennifer Lopez og eiginmaður hennar Marc Anthony kynntu í vikunni tónleikaferð sem ber yfirskriftina Jennifer Lopez & Marc Anthony En Concierto tour og hefst á morgun. Hjónin munu þar leiða saman hesta sína en Anthony er þekktur söngvari og lagasmiður og Lopez hefur fyrir löngu sannað sönghæfileika sína.

Anthony mun taka lög af yfirgripsmikilli efnisskrá sinni sem spannar bæði enska og spænska tónlistarhefð og Lopex tekur lög af væntanlegri plötu sinni Brave og af plötunni Como Una Mujer. Anthony er vanur tónleikaferðum en þetta mun vera í fyrsta sinn sem Lopez leggur upp í slíka ferð. Tónleikaferðin hefst í New York en alls munu hjónin koma fram á 14 mismunandi stöðum.

Hjónin munu í leiðinni leggja góðgerðarmálum lið en einn dollari af hverjum seldum miða rennur til ING Run For Something Better sem eru samtök sem meðal annars vinna að því að draga úr offitu barna og kynna þau fyrir heilbrigðum lífsstíl.