Knightley þolir ekki sviðsljósið

Hollywoodleikkonan Keira Knightley segist í samtali við tímaritið Allure vera það meðvituð um sjálfa sig á rauða dreglinum og á öðrum samkomum að hún njóti sín ekki.

„Ég þoli ekki frumsýningar og aðra staði þar sem ég þarf að koma opinberlega fram. Það eina sem ég get hugsað um er hvernig myndirnar af mér og framsetning greinanna um mig verði í blöðunum daginn eftir. Ég þoli ekki þá staðreynd að fólk skrifi um hvað ég sé horuð. Ég er engin ofurkona. Ég er oft óánægð með sjálfa mig, allir eru það. Horuðu fólki getur líka liðið illa," segir leikkonan sem einungis er tuttugu og tveggja ára gömul.