SÞ styður herferð gegn Norðurlöndunum

Fjölmörg stór hjálparsamtök hefja í dag, með stuðningi frá Sameinuðu þjóðunum, herferð gegn flóttamannastefnu Norðurlanda. Jóhanna Eyjólfsdóttir framkvæmdastjóri Íslandsdeildar Amnesty International segir að hér á landi muni deildin ásamt Rauða krossinum og Mannréttindastofu standa að herferðinni.

Fjallað er um málið á heimasíðu Norðurlandaráðs og þegar segir m.a. að fjölmörg hjálparsamtök hafa hrundið af stað herferð sem miðar að því að vekja á athygli á þeirri þversögn að Norðurlönd skuli herða löggjöf um flóttamenn og hælisleitendur á meðan rösklega fjórar milljónir Íraka eru á flótta, annað hvort í Írak eða grannríkjunum.

Jóhanna Eyjólfsdóttir segir að meðal aðgerðanna hérlendis verði undirskriftarsöfnun á vegum framangreindra samtaka og að á heimasíðum þeirra verði umfjöllun um málið. Reiknað er með að afhenda dómsmálaráðherra undirskriftarlistana í desember n.k.