Prins Jóakim reykir tvo pakka á dag

Prins Jóakim hinn danski reykir nú tvo pakka af sígarettum á dag. Sígaretturnar eru sérframleiddar fyrir prinsinn hjá Skandinavisk Tobakskompagni og fær hann þær í pökkum sem merktir eru einkennismerki hans og undirskrifinni H.K.H. Prins Joachim. Að sjálfsögðu er einnig hin hefðbundna aðvörun um hve heilsuspillandi sígarettur eru á pökkunum.

Skandinavisk Tobakskompagni hefur séð um tóbaksþarfir prinsins undanfarin átta ár eða síðan nokkrir vinir hans höfðu samband við fyrirtækið í tengslum við þrítugsafmæli Jóakims. Fengu þeir fyrirtækið til að útbúa sígarettupakka sérstaklega fyrir prinsinn. Síðar bað prinsins fyrirtækið um að halda þessu áfram.

Í frétt um málið í Ekstra Bladet kemur m.a. fram að hingað til sé Jóakim sá eini í heiminum sem hafi sitt eigið sígarettumerki. Talsmaður Skandinavisk Tobakskompagni segir að þeir fái oft beiðnir um svipaða þjónustu við aðra einstaklinga en hingað til er það aðeins prinsinn sem fær sínar "eigin" sígarettur frá þeim.