Pete hittir pabba sinn á ný

Dóphausinn Pete Doherty sem nú er staddur á Clouds House meðferðarstofnuninni í Wiltshire fékk pabba sinn nýlega í heimsókn en þeir feðgar hafa ekki hisst í um þrjú ár.

Faðir Pete, sem er hermaður, hét því fyrir þremur árum að hann myndi ekki hitta son sinn aftur fyrr en hann væri hættur að neyta eiturlyfja.

Nú hefur Doherty verið í meðferð í tæpan mánuð og segjast vinir hans hafa orðið varir við hugarfarsbreytingu hjá söngvaranum. Heimsókn föður hans bendir ennfremur til þess að hann sé að taka sig á. Auk þess kom fjögurra ára sonur Doherty í heimsókn en þetta mun hafa verið í fyrsta skipti sem kynslóðirnar þrjár hittust.

Andy Boyd, umboðsmaður Doherty, segir hann vera að átta sig á því mikilvæga í lífinu. „Hann vill vera faðir sonar síns og sonur föðurs síns. Hann sér framtíðina fyrir sér án eiturlyfja."

Pete sem hætti með fyrirsætunni Kate Moss í júlí mun selja heimili sitt í London að meðferð lokinni. „Hann vill forðast freistingarnar og er að leita sér að húsi úti á landi," segir vinur.