Vilja aflétta trúnaði af upplýsingum um Gagnaveitu Reykjavíkur

Fulltrúar Samfylkingarinnar í stjórn og varastjórn Orkuveitu Reykjavíkur, þau Sigrún Elsa Smáradóttir og Dagur B Eggertsson, hafa farið fram á við forstjóra og stjórnarformann að leynd verði aflétt af niðurstöðu verðmats á Gagnaveitu Reykjavíkur þar sem upplýsingar um verðmatið hafi þegar birst í fjölmiðlum.

Þau segja í yfirlýsingu að úr því sem komið er fáist ekki séð að það skaði hagsmuni fyrirtækisins að stjórnarmenn geti óhindrað tjáð sig um verðmatið.

Alfreð Þorsteinsson sagði á Stöð 2 í gærkvöldi að nýjar upplýsingar um verðmæti Línu Nets afhjúpuðu óheiðarleika Guðlaugs Þórs Þórðarsonar sem stjórnmálamanns.