Nýir eigendur að næstelsta hlutafélagi landsins

Næstelsta hlutafélag landsins, Slippfélagið í Reykjavík, skipti um eigendur í dag þegar bræðurnir Pétur Már og Ástgeir Finnsson keyptu félagið. Slippfélagið, sem er málningarverksmiðja fyrir húsa- og skipamálningu, var stofnuð fyrir 105 árum eftir því sem segir í tilkynningu frá aðstandendum þess. Þar segir einnig að í 105 ára sögu félagsins hafi margir af þekktustu framámönnum í íslensku viðskiptalífi komið við sögu þess, þar á meðal Tryggvi Gunnarsson bankastjóri og Tryggvi Ófeigsson útgerðarmaður.