Slíta viðræðum við Landsvirkjun vegna Urriðafossvirkjunar

Í bréfinu segir að jörðin Skálmholtshraun í Flóahreppi verði fyrir verulegum áhrifum vegna fyrirhugaðra framkvæmda við Urrriðafossvirkjun en samkvæmt fyrirliggjandi upplýsingum muni stór stíflugarður rísa á jörðinni og hluti hennar fara undir vatn.

Eigendur jarðarinnar hafa í sex ár verið í viðræðum við Landsvirkjun, fyrst vegna rannsókna, svo vegna framkvæmda og síðast vegna hugsanlegra samninga um bætur. Ekki hafi tekist að ná ásættanlegu samkomulagi. Þar að auki hafi landeigendur kynnt sér rannsóknarniðurstöður séfræðinga vel og öll gögn og reynt að sannreyna þau en ekki tekist að öllu leyti.

Í bréfi lögmannsins segir enn fremur að þar sem öryggi framkvæmdarinnar sé ekki tryggt og afleiðingarnar óljósar hvort heldur af lóninu sjálfu eða af þeirri hættu sem fylgir staðsetningu þess á virkasta jarskjálftasvæði landsins. Þá séu mörg fleiri atriði sem snúa að jarðfræði, umhverfisfræði og lögfræði sem koma til álita, og áskilji landeigendurnir sér þann rétt að reifa það síðar.

Segir lögfræðingurinn að í ljós þessa hafi umbjóðendur hans ákveðið að slíta öllum viðræðuim við Landsvirkjun í málinu og leggjast gegn framkvæmdinni.